ТАНЕЦ
(арнаметальны)
“КРЫЖАЧОК”
Харэаграфічны малюнак танца “Крыжачок” будуецца па лініях крыжа. Танец мае мноства варыянтаў, дзе крыж уяўляецца ў малюнках на плоскасці, у пабудове выканаўцаў, у паставе рук партнёраў.
Варыянт 1. Танцоры станавіліся парамі ў малюнку крыжа і ішлі на кругу, злёгку радскокваючы.
Варыянт 2. Чатыры пары, расмясціўшыся накрыж адна супраць другой, па чарзе ныраюць у вароты, якія стварыла пара насупраць.
Варыянт 3. Чатыры хлопцы, злучыўшы ў цэнтры рукі крыж-накрыж, ідуць па кругу, а дзяўчаты перыядычна перабягаюць да партнёраў, якія стаяць наперадзе.
Варыянт 4. Танцуюць парамі, склаўшы накрыж рукі, з высокімі спружыністымі падскокамі.
Харэаграфічная практыка сфарміравала і некаторыя традыцыі ў выкананні гэтага танца на сцэне. Да іх перш за ўсё трэба аднесці асноўны крок “Крыжачка”, які выглядае такім чынам:
- Зыходнае становішча – шостая пазіцыя ног.
- “Затакт” – падскочыць на паўпальцах левай нагі з прасоўваннем наперад, а правую нагу падняць, сагнуўшы ў калені пад прамым вуглом.
- “Раз” – рэзка пераступіць на паўпальцы правай нагі, а левую злёгку прыўзняць над падлогай.
- “І” – спружынны крок наперад на паўпальцы левай нагі.
- “Два” – спружынны крок наперад на паўпальцы правай нагі.
- “І” – падскочыць на паўпальцы правай нагі з прасоўваннем наперад, а левую нагу падняць, сагнуўшы ў калені пад прамым вуглом.
У другім такце ўвесь рух паўтараецца з другой нагі.